Алатау ауданы №14 ЖББ мектепте 9–11 сынып оқушыларымен құқықбұзушылықтың алдын алу мақсатында маңызды жиналыс өтті.

Кездесу барысында Алатау ауданы ПБ ОМПС ОЮП УИП полиция капитаны Қалиева Д.М. және аға УИП полиция майоры Канабатырова А.Т. «Кәмелетке толмағандардың әкімшілік және қылмыстық жауапкершілігі», «Есірткі және оның денсаулыққа зияны» тақырыптарында дәріс өткізді.
Жиын барысында оқушыларға құқықтық түсіндіру жұмыстары жүргізіліп, олардың құқықтық сауаттылығын арттыруға бағытталған маңызды мәселелер талқыланды. Атап айтқанда, әрбір оқушының өз іс-әрекетіне жауапкершілікпен қарауы, мектепте және қоғамдық орындарда тәртіп сақтау, құқықбұзушылықтың салдары жөнінде айтылды.
Осындай тәрбиелік мәні зор шаралар оқушылардың саналы, тәртіпті әрі жауапты тұлға болып қалыптасуына үлкен ықпал етеді.